کربلا میں خود کش حملوں کے دوران ۴۳ افراد شہید اور زخمی ہو گئے ہیں۔
کربلا کی گورنری کونسل کے رکن نے عین تمر علاقے میں پانچ خود کش حملہ آوروں کے گھس جانے کی خبر دی جن میں سے دو خود کش حملہ آوروں نے دھشتگردانہ کاروائی کی ہے۔
محفوظ التمیمی نے کہا: دھماکہ خیز مواد والی جیکٹ پہنے پانچ افراد نے گذشتہ شب شادی کے ایک پروگرام میں حملہ کیا جن میں سے دو افراد نے خود کو اڑا دیا جبکہ تین کو گرفتار کر لیا گیا۔
کربلا کے محکمہ صحت کے مطابق شہید ہونے والوں میں پانچ افراد ایک ہی گھر کے تھے۔
واضح رہے کہ عین تمر کا علاقہ کربلا کے مغربی جانب ۵۰ کلو میٹر کے فاصلے پر صوبہ الانبار کی سرحد پر واقع ہے جو دھشتگردوں کا اصلی مرکز ہے۔
عراقی پولیس کا کہنا ہے کہ حملہ آور صوبہ الانبار سے ہی داخل ہوئے تھے۔
دھشتگرد ٹولے داعش نے اس حملے کی ذمہ داری قبول کر لی ہے۔
