تازہ ترین خبریںپاکستان

ایم کیو ایم کو تقسیم نہیں ہونے دوں گا، فاروق ستار

ایم کیو ایم پاکستان کے سربراہ فاروق ستار کا کہنا ہے کہ مجھے بغیر کسی شرط کے بہادر آباد آنے دیں متحدہ قومی موومنٹ کو تقسیم نہیں ہونے دوں گا۔

رپورٹ کے مطابق، ایم کیو ایم پاکستان کے سربراہ فاروق ستار کا کہنا ہے کہ مجھے بغیر کسی شرط کے بہادر آباد آنے دیں متحدہ قومی موومنٹ کو تقسیم نہیں ہونے دوں گا۔

ذرائع ابلاغ کے نمائندوں سے گفتگو کرتے ہوئے فاروق ستار کا کہنا تھا کہ میں صاف ستھری اور پڑھی لکھی ایم کیو ایم چاہتا ہوں، بہادر آباد کے ساتھیوں کو سمجھائیں یکجہتی کو پارہ پارہ نہ کریں مجھے بغیر کسی شرط کے بہادر آباد آنے دیں، یقین دلاتا ہوں میں ایم کیو ایم کو تقسیم نہیں ہونے دوں گا۔

اکسپرس نیوز کے مطابق فاروق ستار نے ممزید کہا کہ آج سے میں اپنی سب سے بڑی کمزوری کو ختم کرتا ہوں اور آپ اپنی شرطیں ختم کریں ہم ساتھ مل کر بیٹھتے ہیں کیوں کہ میرے پاس فارمولا ہے۔

انہوں نے کہا کہ  مجھے اور ایم کیو ایم کو کام نہیں کرنے دیا جارہا اور ہماری مرکزیت کو بھی چیلنج کیا جارہا ہے، بہادر آباد گروپ کے ارکان کارکنوں کے ریفرنڈم کو تسلیم کریں۔

فاروق ستار نے کہا کہ وہ لیاقت آباد جس سے اسلام آباد گھبراتا تھا آج وہ اپنوں کی سازش کا شکار ہو رہا ہے جب کہ سیاسی جماعتیں الیکشن کی تیاریاں کررہی ہیں اور ہمارے ساتھی سازشوں کا شکار ہورہے ہیں، ڈیڑھ اینٹ کی مسجد بنا کر پارٹی کو تقسیم کیا جارہا ہے، حقیقی ون بھی نامنظور اور حقیقی ٹو بھی نامنظور۔

Tags
Show More

admin

Shia in Islam is providing authentic values of islamic world

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close