افغانستان کے صوبےفراہ میں طالبان اور غیرملکی فوجی اہلکاروں کے درمیان ہونے والی جھڑپوں کے بعد اطالوی فوج نے پسپائی اختیار کی ہے۔
نن تک آسیا کے حوالے سے بتایا ہے کہ اطالوی فوج کے دستے افغان سیکیورٹی فورسز کی مدد کے لئے صوبہ فراہ پہنچے تھے تاہم طالبان کے ساتھ جھڑپوں کے بعد اطالوی فوج نے میدان جنگ چھوڑ کر راہ فرار اختیار کیا ہے۔
واضح رہے کہ طالبان نے صوبہ فراہ کا دو ماہ سے محاصرہ کیا ہوا ہے۔
طالبان کے بڑھتے ہوئے حملوں کے پیش نظر افغان سیکیورٹی فورسز اور غیرملکی افواج نے طالبان کے خلاف آپریشن کا آغاز کیا تھا تاہم طالبان کی شدید مقاومت کی وجہ سے انہیں مشکلات کا سامنا ہے۔
رپورٹ کے مطابق غیر ملکی اور طالبان جنگجووں کے درمیاں اس علاقے میں ۱۶ دنوں سے جھڑپیں جاری تھیں۔
طالبان کا کہنا ہے کہ جھڑپوں میں کم ازکم ۱۳ اطالوی فوجی ہلاک اور ۲۲ شدید زخمی ہوگئے ہیں۔
طالبان کے ترجمان کا کہنا ہے کہ اطالوی فوج بدترین شکست کے بعد پسپا ہو کر فرار ہوگئی ہے۔
