اسلامی جمہوریہ ایران کے سیکیورٹی فورسز نے ملک دشمن عناصر کے خلاف کارروائی کرکے ۲۷ افراد کو گرفتار کرلیا ہے۔
اسلام نیوز کی رپورٹ کے مطابق، اسلامی جمہوریہ ایران کی وزارت انٹیلیجنس نے اعلان کیا ہے کہ ایرانی سکیورٹی فورسز اور امام زمانہ (عج) کے گمنام سپاہیوں نے رمضان المبارک میں 27 دہشت گردوں کو گرفتار کرکے کئی دہشت گردانہ حملوں کو ناکام بنادیا ہے۔
ایرانی سیکیورٹی فورسز کا کہنا ہے کہ دہشت گرد شبہائے قدر میں دہشت گرد کئی مقامات پر تخریب کاری کرنا چاہتے تھے لیکن قانون نافذ کرنے والے ادارے کی بروقت کارروائی سے دہشت گردوں کے حملے ناکام بنادیئے گئے۔
ایرانی پولیس کا کہنا ہے شرپسندوں کے قبضہ سے بھاری مقدار میں ہتھیار بھی برآمد کئے گئے ہیں۔
