اسلامی جمہوریہ ایران کے صوبہ سستان وبلوچستان کے نیک شہر میں غیرملکی حمایت یافتہ دہشت گردوں نے رضاکارفورسز کے ایک مرکز پر حملہ کیا ہے۔
اسلام نیوزکی رپورٹ کے مطابق، اسرائیل، امریکا اور ایران دشمن طاقتوں کے حمایت یافتہ دہشت گردوں نے ایرانی رضاکارفورس بسیج کے مرکزپر حملہ کیا ہے جس کے نتیجے میں ایک اہلکارشہید اور ۵زخمی ہوگئے۔
سپاہ پاسداران انقلاب اسلامی کے قدس ہیڈکوارٹر کے شعبہ تعلقات عامہ نے اپنے ایک بیان میں کہا ہے کہ مسلح دہشت گردوں نے ہفتے کی صبح نیکشہر میں رضاکار فورس بسیج کے مرکز پر حملہ کر دیا-
ایران کے جنوب مشرقی شہر نیکشہر کے پراسیکیوٹر محسن گل محمدی نے بتایا کہ اس دہشت گردانہ حملے کی ذمہ داری جیش العدل نامی دہشت تنظیم نے قبول کی ہے۔
مذکورہ دہشتگرد گروہ نے صوبہ سیستان و بلوچستان میں ہونے والے دہشتگردی کے کئی واقعات کی ذمہ داری قبول کی ہے۔
