گزشتہ ماہ ستمبر میں افغانستان کے مختلف علاقوں میں غیرملکی اور افغان فورسز کے حملوں میں 103 عام شہری جان کی بازی ہار گئے۔
افغان ذرائع کے حوالے سے بتایا ہے کہ انسانی حقوق سے وابستہ تنظیم کا کہنا ہے کہ گزشتہ ماہ ستمبر میں امریکی اور افغان فورسز کی کارروائیوں میں 103 عام شہری جاں بحق اور 20 شدید زخمی ہوئے۔
رپورٹ کے مطابق ہلاک ہونے والوں میں خواتین اور بچے بھی شامل ہیں۔
رپورٹ میں مزید کہا گیا ہے کہ امریکی اور افغان فورسز کے حملوں میں کل ۲۴۰ افراد ہلاک اور ۳۵۰ زخمی ہوئے۔
یاد رہے کہ ۱۱ ستمبر کو صوبہ ننگرھارمیں ایک بم حملے میں ۶۸ افراد جاں بحق اور ۱۶۵ کے قریب زخمی ہوئے تھے۔
واضح رہے کہ گزشتہ روز بھی ننگرھار میں خودکش دھماکہ ہوا جس کے نتیجے میں ۳۵ افراد جاں بحق اور ۵۰ کے قریب زخمی بتائے جاتے ہیں۔
