مغربی افغانستان کے صوبے فراہ میں صوبائی کونسل کے ایک رکن کا کہنا ہے کہ طالبان کے ساتھ جھڑپوں میں افغان فوج کے ۶ کمانڈو ہلاک ہوگئے ہیں۔
رپورٹ کے مطابق، مغربی افغانستان کے صوبے فراہ میں صوبائی کونسل کے رکن «دادالله قانع» کا کہنا ہے کہ طالبان کے ساتھ جھڑپوں میں افغان فوج کے ۶ کمانڈو ہلاک ہوگئے ہیں۔
رپورٹ کے مطابق طالبان کے مسلح جنگجؤں اور افغان سیکیورٹی فورسز کے درمیان «بالابلوک» نامی علاقے میں ہونے والی خونی جھڑپوں میں ۶ افغان فوجی ہلاک اور متعدد دیگر زخمی ہوگئے ہیں۔
دادالله قانع کا کہنا ہے کہ افغان سیکیورٹی فورسز کے ساتھ جھڑپوں میں متعدد طالبان جنگجو بھی ہلاک ہوگئے ہیں۔
دوسری طرف مقامی لوگوں کا کہنا ہے کہ افغان فوج کے اہلکار افغان فضائیہ کے حملوں میں مارے گئے ہیں۔ افغان حکام نے فوجی کمانڈوز کی ہلاکت کے بارے میں ابھی تک کچھ نہیں کہا ہے۔
مقامی ذرائع کا کہنا ہے کہ مغربی افغانستان کے علاقے بالابلوک اور خاک سفید میں طالبان اور افغان فورسز کے درمیان شدید جھڑپیں اب بھی جاری ہیں۔
