کی رپورٹ کے مطابق سعودی عرب کے حکام صیہونی حکومت کے ساتھ سفارتی اور اقتصادی تعلقات قائم کرنے میں کوئی رکاوٹ محسوس نہیں کرتے ہیں۔ اس صیہونی صحافی نے سعودی عرب کا دورہ کیا ہے۔
اس رپورٹ کے مطابق صیہونی صحافی جدعون کوتس جو گذشتہ مہینے فرانسیسی وزیر اعظم مانویل والس کے ساتھ ریاض کے دورے میں شامل تھا اس نے سعودی عرب کے حکام کے حوالے سے کہا ہے کہ ان کی نظر میں اسرائیل کے ساتھ سفارتی اور اقتصادی تعلقات قائم کرنے میں کوئی حرج نہیں ہے۔
صیہونی اخبار معاریو نے بھی ایک رپورٹ میں لکھا ہے کہ کوتس نے سعودی عرب کے دورے میں آل سعود کے وزیر خارجہ عادل الجبیر اور دیگر حکام کے انٹرویوز لئے ہیں۔ جدعون کوتس نے سعودی عرب کے حکام کے حوالے سے کہا ہے کہ وہ اسرائیل کے ساتھ اقتصادی اور تجارتی تعلقات قائم کرنے میں کسی طرح کی رکاوٹ محسوس نہیں کرتے۔ اس صیہونی صحافی نے کہا ہے کہ سعودی عرب کے وزیر خارجہ عادل الجبیر نے کہا ہے کہ فلسطین کے بارے میں عرب منصوبہ امن متعدد مسائل کے باوجود آج بھی میز پر موجود ہے اور اسرائیل اس سے فائدہ اٹھاسکتا ہے۔
واضح رہے سعودی عرب اور صیہونی حکومت نے شام میں بحران کے آغاز سے دہشتگردوں کی حمایت شروع کی تھی اوردونوں ایک دوسرے کے ساتھ سیکورٹی تعاون کررہے ہیں۔ سعودی عرب کے متعدد حکام اب تک مقبوضہ فلسطین کا دورہ کرچکے ہیں۔
