فارس خبر رساں ایجنسی کی رپورٹ کے مطابق پاکستان کی خفیہ ایجنسی نے بدھ کے دن ایک بیان میں کہا کہ ملک بھر میں پاکستانی سیکورٹی فورسز کے اہلکاروں کے آپریشن کے دوران دہشت گرد گروہ داعش کے دس عناصر گرفتار ہوئے ہیں۔ اس بیان کے مطابق حالیہ چھ مہینوں کے دوران پاکستانی سیکورٹی فورسز کے اہلکاروں نے پانچ سو اکیاسی دہشت گردوں کو گرفتار کیا جبکہ چوراسی دہشت گرد مختلف آپریشنوں کے دوران ہلاک ہوئے۔
اس بیان میں مزید آیا ہے کہ دہشت گرد گروہ لشکر جھنگوی اور طالبان ایک دوسرے کے ساتھ رابطے میں ہیں اور ملک میں دہشت گردانہ کارروائیوں کے لئے ایک دوسرے کے ساتھ تعاون کرتے ہیں۔ پاکستان میں بدامنی میں شدت پیدا ہونے کے بعد اس ملک کی حکومت اور فوج نے حالیہ مہینوں کے دوران دہشت گردوں کے خلاف آپریشن میں تیزی پیدا کر دی ہے۔
