چیف جسٹس آف پاکستان جسٹس ثاقب نثار نے ایئر پورٹ پر پی آئی اے افسر سے بدتمیزی کے معاملے پر آئی جی اسلام آباد پولیس کو طلب کر لیا۔
اسلام نیوز کی رپورٹ کے مطابق، چیف جسٹس ثاقب نثار کی سربراہی میں بنچ نے ایئر پورٹ پر پی آئی اے افسر سے بدتمیزی کے معاملے کی سماعت کی، وزیرسیاحت گلگت بلتستان فدا حسین عدالت میں پیش ہو گئے،چیف جسٹس ثاقب نثار نے استفسار کیاکہ کیا آپ وہ وزیر ہیں جس نے دھکے دیئے ،دکھائیں ویڈیو کیسے انہوں نے دھکے دیئے۔
چیف جسٹس پاکستان نے کہا کہ آپ نے جب دھکے دیئے اس وقت ہوش میں تھے؟ وزیر سیاحت نے کہا کہ میں نے دھکا ضروردیا لیکن اس کی وجہ یہ تھی کہ پروازتاخیر کا شکار ہوئی، چیف جسٹس نے کہا کہ آپ نے کیسے سرکاری کام میں مداخلت کی،جسٹس اعجازالاحسن نے کہا کہ پرواز میں تاخیر پر کیا ایسے ردعمل دکھاتے ہیں؟
عدالت نے آئی جی اسلام آباد پولیس کو فوری طلب کر لیا ہے۔
