رپورٹ کے مطابق سعودی فرمانروا شاہ سلمان اپنے غیر ملکی دورے کے اگلے مرحلے میں ترکی کے دارالحکومت انقرہ پہنچ گئے ہیں۔ ایئرپورٹ پر ترک صدر رجب طیب اردوآن نے شاہ سلمان کا خیرمقدم کیا۔ ترک صدر اور شاہ سلمان کے درمیان ہونے والی ملاقات میں دونوں ملکوں کے درمیان تعلقات، اہم علاقائی اور عالمی امور پر تبادلہ خیال کیا گیا۔ شاہ سلمان چودہ اور پندرہ اپریل کو ہونے والی اسلامی ملکوں کی تنظیم او آئی سی کے اجلاس میں بھی شرکت کریں گے۔ اجلاس 14 اور 15 اپریل کو استنبول میں منعقد ہو رہا ہے۔
