ترجمان ایم ڈبلیو ایم نے کہا ہے کہ بزرگ شیعہ عالم دین مرزا یوسف حسین کی ضمانت منسوخ ہونے کی مذمت کرتے ہیں۔
رپورٹ کے مطبق، مجلس وحدت مسلمین کے ترجمان نے بزرگ عالم دین علامہ مرزا یوسف حسین کی ضمانت منسوخ ہونے کی مذمت کرتے ہوئے کہا ہے کہ 70 سالہ بزرگ عالم دین کو پولیس میں موجود بعض اہلکار تعصب کا نشانہ بنارہی ہیں۔
ان کا کہنا تھا کہ جھوٹے مقدمے میں پھنسا کر ضمانت منسوخی کے پیچھے پولیس میں موجود کالعدم جماعتوں کے سہولت کار ملوث ہیں۔
انہوں نے کہا کہ دہشتگردی کا نشانہ بھی ہم اور گرفتاریاں بھی ہمارے بے گناہ علما کی ہورہی ہیں۔
ترجمان ایم ڈبلیو ایم کا کہنا تھا کہ اتحاد بین المسلمین کے داعی علامہ مرزا یوسف کی رہائی کیلئے شہر کی عوام میں اضطراب پایا جاتا ہے۔
انہوں نے کہا کہ وزیراعلی سندھ بزرگ عالم دین کی گرفتاری کے خلاف از خود نوٹس لیں۔
ترجمان نے مطالبہ کیا ہے کہ ضمانت میں رکاوٹ ڈالنے والے متعصب افسران کے خلاف فوری ایکشن لیا جائے۔
یاد رہے کہ علامہ مرزا یوسف حسین کو لاؤڈ اسپیکر کے استعمال کرنے پر پابند سلاسل کیا گیا ہے۔
