جنوبی افغانستان کے صوبہ قندھار میں ایک چیک پوسٹ پر پولیس سپاہی نے 7 دیگر پولیس اہلکاروں پر فائرنگ کرکے ہلاک کردیا ہے۔
اسلام نیوز کی رپورٹ کے مطابق، افغانستان کے صوبے قندھارمیں طالبان حمایت یافتہ پولیس اہلکار نے 7 پولیس سپاہیوں پر فائرنگ کرکے ہلاک کردیا ہے۔
قندھار کے گورنر کے ترجمان «بهیراحمد احمدی» نے پولیس اہلکاروں کی ہلاکتوں کی تصدیق کرتے ہوئے کہا ہے حملہ طالبان حمایت یافتہ پولیس سپاہی نے کیا ہے۔
انہوں نے کہا کہ دلخراش واقعہ ”شاولیکوٹ” نامی علاقے میں پیش آیا۔
واضح رہے کہ افغان پولیس اہلکاروں پر حملوں میں تیزی آئی ہے۔
دوسری طرف طالبان نے حملے کی ذمہ داری قبول کرتے ہوئے کہا ہے سیکیورٹی اہلکاروں پر حملہ طالبان کے کہنے پر کیا گیا ہے۔
یاد رہے کہ افغان پولیس میں طالبان حمایت یافتہ افراد کی ایک کثیر تعداد موجود ہے جس کی وجہ سے آئے روز اس قسم کے واقعات پیش آتے رہتے ہیں۔
خیال رہے کہ اس قسم کے اندرونی حملوں کی وجہ سے افغان شہری پولیس اور فوجی محکمے میں نوکری کرنے سے ہی گریزاں نظر آتے ہیں۔
