شامی فوج نے حماہ کے متعدد مضافاتی علاقوں کو تکفیری دہشت گردوں سے مکمل طورپر آزاد کرالیا ہے۔
اسلام نیوز کی رپورٹ کے مطابق، شامی فوج کے ترجمان کا کہنا ہے کہ حماہ کے مضافات کے کئی اہم علاقوں کو مکمل طور پر آزاد کرالیا گیا ہے اور فوج کی پیش قدمی مسلسل جاری ہے۔
انہوں نے کہا کہ الحویز، المهاجرین، الحمرا سمیت متعدد علاقے دہشت گردوں سے خالی کرالیے گئے ہیں۔ واضح رہے کہ سیاسی ماہرین کا کہنا ہے کہ شام میں تکفیری دہشت گردوں کو امریکا، اسرائیل اور بعض عرب ممالک کی حمایت حاصل ہے۔
شامی فوج اور عوامی رضاکار فورسز نے دہشت گردوں کی کمر توڑ دی ہے، تاہم تکفیری دہشت گرد بیرونی امداد کی وجہ سے دہشت گردانہ کارروائیاں کرتے رہتے ہیں۔
دوسری طرف شامی فوج کا کہنا ہے کہ تکفیری دہشت گردوں کا خاتمہ کرکے ہی دم لیں گے۔
