کراچی میٹرو پولیٹن (کے ایم سی )نے تجاوزات کے خلاف بڑے آپریشن کی تیاری کرلی ،آپریشن کا آغاز ضلع شرقی اور وسطی سے کیا جائے گا،عدالتی احکامات پر تجاوزات کے خلاف اہم اجلاس پیر کوہوگا۔
کےایم سی حکام کا کہنا ہے کہ مختلف شاہراہوں کی فٹ پاتھ پر فلاحی اداروں نے رسپانس سینٹر بنارکھے ہیں ان کی جانب سے کراچی کی فٹ پاتھ پر قائم تعمیرات کوگرایاجائے گا۔
حکام کا کہنا ہے کہ آپریشن کے دوران فٹ پاتھ پر بنائے گئے شیڈز بھی ہٹائے جائیں گےجبکہ فلاحی اداروں کو ایک روز کا نوٹس دیا جائے گا۔
کےایم سی کا کہنا ہے کہ انسداد تجاوزات سیل نے تمام مشینری بھی طلب کرلی ہیں جبکہ پہلے مرحلے میں آپریشن کے لیے تمام زونز کے ملازمین کو بھی طلب کرلیا گیاہے ۔
