افغانستان کے شمال مغرب میں طالبان نے حملہ کرکے قادس نامی شہر پر قبضہ کرلیا ہے۔
شیعہ ان اسلام: افغانستان کے شمال مغربی علاقے بادغیس میں طالبان نے حملہ کرکے قادس نامی شہر پر قبضہ کرلیا ہے۔
افغان ذرائع کے مطابق بادغیس کے مضافاتی علاقے قادس پر طالبان نے قبضہ کردیاہے اور افغان سیکیورٹی فورسز نے راہ فرار اختیار کر لی ہے۔
بادغیس کے صوابائی کونسل کے سربراہ عبدالباسط کا کہنا ہے کہ قادس نامی شہرپر طالبان نے قبضہ کرلیا ہے۔
عبدالباسط کا مزید کہنا تھا کہ گزشتہ شب طالبان کے مسلح افراد نے درہ بوم کے علاقے پر خودکار ہتھیاروں سے حملہ کیا تھا اور افغان سیکیورٹی فورسز نے جوابی کارروائی کی جس کی وجہ سے طرفین کو جانی نقصان ہوا ہے۔
بدغیس صوبائی کونسل کے چیئرمین کا کہنا ہے کہ حملے میں افغان فوجیوں کی ایک بڑی تعداد لاپتہ ہوگئی ہے۔
باد غیس صوبے کے پولیس کمانڈرنے افق نیوز سے گفتگو کرتے ہوئے طالبان حملے کی تصدیق کی ہے۔
