تازہ ترین خبریںپاکستان

نیب نے رانا ثنااللہ کے اثاثوں سے متعلق رپورٹ ہائیکورٹ میں جمع کروا دی

نے مسلم لیگ ن کے سینئر رہنما رانا ثنااللہ کے اثاثوں سے متعلق رپورٹ ہائی کورٹ میں جمع کروا دی، رانا ثنا اور اہل خانہ کی 24 پراپرٹیز سامنے آئیں۔

نجی ٹی وی اے آر وائی نیوز کے مطابق لاہور ہائی کورٹ میں جمع کرائی گئی رپورٹ میں کہا گیا ہے کہ رانا ثنااللہ کے خلاف 3مختلف شکایات موصول ہوئی، 3دسمبر 2019 کو آمدن سے زائد اثاثوں پر انکوائری شروع کی گئی، انکوائری میں رانا ثنااللہ اور اہل خانہ کی24پراپرٹیز سامنے آئیں، جائیدادوں میں پلازہ، کمپنیاں، گھر، فارم ہاؤسز اور زرعی زمین شامل ہیں۔

رپورٹ میں بتایا گیا ہے کہ راناثنااللہ کی جائیدادیں لاہور اور فیصل آباد میں واقع ہیں، ان کی ایک پرائیویٹ لمیٹڈکمپنی آر ایس کے بھی ہے، رانا ثنااللہ کے اثاثوں کی کل مالیت اربوں میں ہے۔نیب نے اپنی رپورٹ میں یہ بھی کہا ہے کہ انکوائری میں پتہ چلا رانا ثنا اور اہل خانہ نے اثاثوں کی اصل مالیت ظاہر نہیں کی، راناثنااللہ نے مختلف سوسائٹیز میں کروڑوں کی سرمایہ کاری کی، تحقیقات کے دوران یہ انکشاف ہوا کہ ن لیگی رہنما نے اثاثوں کی جو مالیت ظاہر کی وہ مارکیٹ ویلیو سے کم ہے۔

رپورٹ کے مطابق رانا ثنااللہ کے اثاثے ان کی آمدن سے مطابقت نہیں رکھتے۔

 خیال رہے کہ راناثنااللہ کو لاہورہائی کورٹ میں آمدن سے زائد اثاثہ جات کیس کا سامنا ہے۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Close