بھارتی پائلٹ ابھے نندن کی تازہ ترین ویڈیو منظر عام پر آگئی جس میں انہوں نے چائے کا کپ تھام رکھا ہے۔
سماجی رابطے کی ویب سائٹ پر جاری ویڈیو میں پاکستانی آرمی افسر سے گفتگو میں بھارتی پائلٹ نے پاکستانی فوج کے رویے کو متاثر کن قرار دیا ۔
ویڈیو میں ابھے نندن چائے کا کپ ہاتھ میں پکڑے انتہائی مطمئن نظر آرہے ہیں۔
انہوں نے کہاکہ پاک فوج کا رویہ پیشہ وارانہ اور انتہائی متاثر کن ہے ،ہماری افواج کو بھی یہی رویہ اپنا نا چاہیے۔
بھارتی پائلٹ نے کہاکہ مشتعل ہجوم سے بچانے پر پاکستانی فوج کے کیپٹن کاسمیت سب کا شکریہ ادا کرتا ہوں۔
انہوں نے مزید بتایا کہ بھارت کے جنوب کا رہنے والا اور شادی شدہ ہوں ۔
چائے کیسی لگی ؟ اس سوال کے جواب میں ابھے نندن نے کہاکہ بہت ہی اچھی ہے۔
