شام کے ایئر ڈیفنس نے اسرائیل کی جانب سے فائر کیے گئے کئی میزائل فضا میں ہی تباہ کیا ہے۔
اسلام نیوز کی رپورٹ کے مطابق، شامی ایئر ڈیفنس کے مطابق اسرائیل نے میزائل حملوں میں حماہ کے مصیاف کو نشانہ بنانے کی کوشش کی تاہم شامی فوج نے بروقت کارروائی کرکے ناکام بنا دیا۔
غیر ملکی خبر ایجنسی کے مطابق شامی شہر حماہ میں اسرائیل سے آنے والے کئی میزائلوں کے حملے ناکام بنا دیئے گئے ہیں جن میں کئی میزائلوں کو مار گرایا گیا ہے۔
دوسری طرف اسرائیل نے دعویٰ کیا ہے کہ ان کے جنگی طیاروں نے ایک تحقیقاتی مرکزکو نشانہ بنایا ہے۔ آزاد ذرائع ابلاغ سے اسرائیلی دعوئے کی تصدیق نہیں ہوسکی ہے۔
