میڈیا رپورٹوں کے مطابق پاکستانی فضائیہ کے جیٹ طیاروں نے خیبر ایجنسی کی وادی تیراہ میں دہشت گردوں کے ٹھکانوں کو نشانہ بنایا ہے۔ ان حملوں میں دہشت گردوں کے تین ٹھکانے تباہ ہو گئے۔ سیکورٹی ذرائع نے پندرہ مسلح دہشت گردوں کے ہلاک اور تین کے زخمی ہونے کی خبر دی ہے۔
پاکستانی فوج دسمبر دو ہزار چودہ سے ملک کے قبائلی علاقوں میں دہشت گردوں کے خلاف آپریشن میں مصروف ہے جس کے دوران ڈھائی ہزار سے زیادہ دہشت گردوں کو ہلاک کیا جا چکا ہے۔ پاکستان کے قبائلی علاقوں کو طالبان اور دیگر دہشت گرد گروہوں کا گڑھ سمجھا جاتا ہے۔
