مانسہرہ کے علاقے چھتر پلین میں شدید برف باری کے باعث شاہراہ قراقرم گزشتہ رات سے بند ہے، جس کی وجہ سے سینکڑوں مسافروں کو رات سڑک پر گزارنا پڑی۔
اسلام نیوز کی رپورٹ کے مطابق، مانسہرہ اور بٹگرام کی باؤنڈری پر واقع علاقہ چھتر پلین میں گزشتہ شام سے برف باری کا سلسلہ شروع ہوا جو وقفے وقفے سے جاری ہے اب تک ڈیڑھ کلومیٹر کے اس علاقے میں کہیں ایک اور کہیں3 فٹ تک برف پڑ چکی ہے ۔
ذرائع کے مطابق انتظامیہ کی غفلت، لاپرواہی اور منصوبہ بندی کے فقدان کے باعث رات بھر میں بھی سڑک کو برف سے صاف نہیں کیا جاسکا اور گلگت بلتستان سے پنڈی تک سفر کرنیوالے سینکڑوں مسافروں نے شدید سردی میں رات سڑک پر گزاری۔
اس موقع پر مقامی پولیس کا کہنا ہے کہ این ایچ اے نے صرف 2ٹریکٹر برف صفائی کے لئے بھجوائے جو ناکافی ہیں۔
