وفاقی وزیر مذہبی امور پیر نور الحق قادری نے اعلان کیا ہے کہ عازمین حج کے لئے اس سال کوئٹہ سے براہ راست پروازیں چلائی جائیں گی۔
اسلام نیوز کی رپورٹ کے مطابق، وفاقی وزیر مذہبی امور پیر نور الحق قادری کا کہنا ہے کہ حکومت عازمین حج کی سہولیات کے لئے پرعزم ہے۔
کوئٹہ میں حج 2019ء کے حوالے سے میڈیا ورکشاپ سے خطاب کرتے ہوئے وفاقی وزیرنے کہا کہ عازمین حج حجاز مقدس میں اپنے ملک کے سفیر ہوتے ہیں حج پر جانے والوں کا فرض ہے کہ منظم رہیں اور سعودی قوانین کی پاسداری کریں۔
انہوں نے کہا کہ میڈیا سے گزارش ہے کہ وزارت مذہبی امور کا پیغام حجاج تک پہنچائیں بلوچستان کے حجاج کو درپیش مشکلات کے لئے حکومت ترجیحی بنیادوں پر اقدامات کررہی ہیں۔
وفاقی وزیر نے مذہبی امور کےمتعلقہ کو ہدایت کی کہ وہ حاجیوں کو درپیش مشکلات اور انہیں سہولتوں کی فراہمی کے لئے بھرپور اقدامات کریں تاکہ امسال حجاج بہتر طریقے سے حج کی سعادت حاصل کریں۔
