فیڈرل انویسٹی گیشن ایجنسی نے100 مطلوب ترین انسانی اسمگلرز کے خلاف کریک ڈاؤن کا اعلان کیا ہے۔
اسلام نیوز کی رپورٹ کے مطابق، ایف آئی اے نے انسانی سمگلرز کے خلاف کریک ڈاؤن کا اعلان کرتے ہوئے کہا کہ انسانی اسمگلرز کے خلاف فیصلہ کن کارورائی کی جائے گی۔
فیڈرل انویسٹی گیشن ایجنسی کی جانب سے سال 2019 ء کی ریڈ بک کا اجراء کر دیا گیا ہے۔
ریڈ بک میں 100 مطلوب ترین انسانی اسمگلرز کے نام اور تصاویر شائع کی گئی ہیں، پنجاب زون ون میں مطلوب ترین انسانی اسمگلرز کی تعداد 17 ، پنجاب زون ٹو میں 26، اسلام آباد میں 31 انسانی اسمگلر مطلوب ہیں۔
ایف آئی اے کے مطابق سندھ زون میں مطلوب ترین انسانی اسمگلر کی تعداد 12 ہے، بلوچستان زون میں 2 جبکہ بیرون ملک فرار ہونے والے انسانی اسمگلرز کی تعداد 12 ہے۔
