قطر کے نائب وزیر اعظم و وزیر خارجہ محمد بن عبدالرحمٰن الثانی نے چیف آف آرمی اسٹاف جنرل قمر جاوید باجوہ سے ملاقات کی۔
پاک فوج کے شعبہ تعلقات عامہ (آئی ایس پی آر) کے حوالےسے بتایا ہے کہ قطر کے نائب وزیر اعظم و وزیر خارجہ محمد بن عبدالرحمٰن الثانی نے چیف آف آرمی اسٹاف جنرل قمر جاوید باجوہ سے ملاقات کی۔
چیف آف آرمی اسٹاف جنرل قمر جاوید باجوہ کا کہنا ہے کہ پاکستان علاقائی امن واستحکام کے لیے اپنا مثبت کردار ادا کرتا رہے گا۔
ملاقات میں علاقائی سلامتی اور باہمی دلچسپی کے امور پر تبادلہ خیال کیا گیا۔
اس موقع پرآرمی چیف نے کہا کہ پاکستان علاقائی امن واستحکام کے لئے مثبت کردار ادا کرتا رہے گا۔
قطری نائب وزیر اعظم نے دہشت گردی کے خلاف جنگ اور خطے میں امن و استحکام کی کوششوں میں پاکستان کی کامیابیوں کو سراہا۔
