مہمند ایجنسی میں پاک فوج کے جوانوں نے سرحد پار سے پاکستانی چیک پوسٹ پر فائرنگ کرنے والے 3دہشت گردوں کو ہلاک کردیا ہے۔
اسلام نیوز کی رپورٹ کے مطابق، پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق مہمند ایجنسی میں سرحد پار سے دہشتگردوں نے پاکستانی چیک پوسٹ پر فائرنگ کی تاہم پاک فوج نے مؤثر جواب دیتے ہوئے دہشتگردوں کے ٹھکانے کو نشانہ بنایا جس سے دہشتگرد بھاگنے پر مجبور ہوگئے ۔
آئی ایس پی آر کے مطابق دہشتگردوں کے ساتھ فائرنگ کے تبادلے میں پاک فوج کا 21سالہ سپاہی فرمان اللہ بھی شہید ہوگیا۔
