افغانستان میں طالبان گروہ نے قندھار – ارزگان روڈ سے انّیس مسافروں کو اغوا کر لیا۔
رپورٹ کے مطابق صوبے قندھار کے مقامی حکام کا کہنا ہے کہ طالبان نے ارزگان روڈ سے انّیس مسافروں کو اغوا کر لیا جبکہ بعض ذرائع نے اغوا ہونے والے افراد کی تعداد تیس بتائی ہے۔
ابھی تک ان افراد کی کوئی پہچان نہیں بتائی گئی ہے۔ واضح رہے کہ افغانستان میں حالیہ دنوں میں اغوا کی وارداتوں میں کافی اضافہ ہوا ہے اور ایک سال کے دوران سو سے زائد تاجروں اور ٹرک ڈرائیوروں کو اغوا کیا جا چکا ہے۔
